Чаллылыларга 1 май бәйрәмнәрендә шашлык пешерергә рөхсәт итмәячәкләр
1 май күпләр өчен табигатьтә ял итеп, шашлык пешерү вакыты. Ләкин быел урманда гына түгел, ә шәхси территорияләрдә, бакчаларда да шашлык пешерү дә бик кыйммәткә төшергә мөмкин.
. Тукай районы күзәтчелек эшчәнлеге җитәкчесе Артем Асеев әйтүченчә, шашлыкны хәттә мангалда пешергән өчен дә шәһәрдәшләребезгә 4000 мең сум күләмендә штраф салынырга мөмкин.
“Янгыннарның иң күбе нәкъ менә шушы вакытка туры килә дә инде. 3 көн ял иткәндә кешеләр бакчаларын, өй тирәләрен чистартып калырга тырышалар, ә чүпләрен капчыкларга салып, тиешле урыннарга илтергә иренеп, ягалар гына. Шушы сәбәпле бик күп янгыннар чыга. Шулай ук, янгынның сәбәбе, учак ягып ял итү”,- ди Артем.
Чаллы һәм Тукай районында 30 апрельдән алып 15 майга кадәр катгый режим кертелә. Шулай ук, бу көннәрдә оешма яннарындагы коры үләннәрне ягу да тыела. Гражданнарга штраф күләме 2 меңнән 4 меңгә кадәр булса, юридик затларга бу сан 400 меңгә кадәр җитергә мөмкин.
Следите за самым важным и интересным в Telegram-каналеТатмедиа
Нет комментариев