Шəhри Чаллы

Чаллылыларны сәнгать күргәзмәсенә чакыралар

18 гыйнвар көнне 16:00 сәгатьтә Картиналар галереясенең кече залында Мария Фадееваның юбилей күргәзмәсе ачыла.

Мария Ивановна Фадеева фин-угор халыкларының шәһәр, зона күргәзмәләрендә һәм Халыкара этнофутуристик күргәзмә – фестивальләрендә катнашкан. Ул Татарстан Республикасы Рәссамнар берлеге һәм Халыкара Дизайнерлар берлеге Ассоциациясе әгъзасы.

Күргәзмәдә натюрморт һәм пейзаж жанрларында 50дән артык рәсем сәнгате әсәрләре тәкъдим ителгән. Рәссам үз иҗатында туган як табигатенең күптөрлелеген ача. Гади һәм лирик характердагы картиналар кеше күңеленең гүзәл якларын ачарга мөмкинлек бирә. Мария Фадееваның рәсем сәнгате кешеләрнең күңеленә хуш килә. 

Күргәзмә 17 гыйнвардан 3 февральгә кадәр дәвам итәчәк.

 

http://nabchelny.ru/news/34982

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: