Чаллының Яшь Ленинчылар бульварында төзелеш эшләре дәвам итә

Тулаем алганда, әлеге проект нигезендә архитекторлар "бульвар" сүзенең бөтен әһәмиятен биреп эш башкаралар - биредә торак йортлар арасында шәһәр структурасында булган яшел тукыма җәелеп китәчәк. Бульвар әлеге микрорайонда яшәүчеләрне берләштерергә мөмкинлек бирәчәк: монда ял итү зонасы, урам китапханәсе, амфитеатр һәм хәтта теплица да оештырылачак. Моннан тыш,  Яшь Ленинчылар бульварында җәйге кинотеатр да барлыкка килергә мөмкин.