Эт баланы талап үтергән

Әлеге коточкыч хәл Томск өлкәсе Северск шәһәрендә булган. Такса токымлы эт төнлә баланы тешли. 

Сабый караватында йоклый торган була. Эт аның янына кереп талый. Иртә белән берничә тапкыр эт тешләгән сабыйның үле гәүдәсен табалар.

Тикшерүчеләр РФ Җинаятьләр кодексының 109нчы маддәсе буенча («Саксызлык аркасында үлемгә китергән өчен») җинаять эше ачканнар. 

Җирле матбугат чаралары вәкилләре хәбәр итүенчә, эт баладан көнләшкән, шуңа күрә аны хуҗалары бәйләп куя торган булганнар. Фаҗига булган көнне аны төнгелеккә бәйгә куярга онытканнар.