Филүс Каһиров кайда ял итәргә җыена?

Татарстанда шаулап-гөрләп сабантуйлары үтеп китте. Халык ял итсә, җырчылар хезмәттә булды бу көннәрдә. Инде бәйрәмнәр үтте, артистларыбыз тыныч күңел белән ял итә.

Мисал өчен, Татарстанның һәм Башкортостанның атказанган артисты Филүс Каһиров табигатькә чыгып көч җыярга исәпли. “Чит илгә бармыйбыз. Үзебездә генә ял итәбез. Гаилә дуслары белән табигатькә чыгабыз. Шушы көннәрдә туган ягым Башкортостанга кайтып килергә дә исәп бар. Бөрьян районындагы  бик матур ял итү урынына да кагылачакбыз. Анда үтәчәк өч көн ялның берсендә елга буйлап махсус көймәдә йөзәргә уйлыйбыз (сплав). 11.00дә кузгалып, якынча 8-9 сәгать сәяхәт итәргә исәп тотабыз,” - ди танылган артист.