Футбол карап, суыткыч от!

«КАМАЗ» футбол командасы узган атнада Казанның «Рубин» командасы белән уйнады. Уен 1:1 исәбе белән тәмамланды.
Бүген Чаллы футболчылары үз кырында «Балтика» футбол командасы белән очраша. «Дакар» ярышларының ике тапкыр чемпионы Дмитрий Сотников ярышларга старт бирә.
Футбол уены 17 сәгатьтә башлана. Шәһәр мэры, «КАМАЗ» футбол командасы президенты Наил Мәһдиев җанатарлар өчен күңелле хәбәр җиткерде. Матчтан соң, җанатарлар арасында суыткыч, кер юуу машинасы һәм телевизор уйнатыла. Моның өчен кәгазь яисә электрон билетны уен азагына кадәр сакларга гына кирәк. Ашыгыгыз, спорт бәйрәме 15 сәгатьтә күңел ачу программасы белән башлана.