Гөлданиягә – мактаулы исем

Татарстанның атказанган артисты Гөлдания Хәйруллина "Фидакарь хезмәт өчен" медаленә лаек булды.

Дәүләт бүләген җырчыга Татарстан Республикасы Президенты Рөстәм Миңнеханов Чаллыга эш визиты барышында үзе тапшырды. "Президенттан җылы сүзләр ишетеп, дәүләт бүләге алу рәхәт, күңелле. Хезмәтеңә югары бәя биргәч, канәгатьлек хисләре тоясың. Моның өчен үзем эшләгән "Эврика" мәдәният үзәгенә, шәһәр җитәкчеләренә, ТР Мәдәният министрлыгына, Президентыбызга, һәм, әлбәттә, тамашачыма зур рәхмәтләремне белдерәм", - диде Гөлдания ханым шатлыгы белән уртаклашып.