«Горкоммунхоз» директоры эшеннән китте

«Горкоммунхоз» предприятиесе җитәкчесе Альвир Әгълуллин эшеннән китте. Бу хакта дүшәмбе киңәшмәсендә мәгълүм булды. Наил Мәһдиев әйтүенчә, сәбәбе – башка эшкә күчүдә.

Чаллы мэры Альвир Әгълуллинга хезмәте өчен рәхмәтен белдерде һәм «Горкоммунхоз»ның матди-техник базасының ныгытылуда зур өлеш кертүен ассызыклады. «Горкоммунхоз»ның элеккеге директоры кая киткәне әлегә билгесез.

Исегезгә төшерәбез, Альвир Әгълуллин предприятие белән 2023 елдан җитәкчелек итте. Моңарчы ул Буада эшмәкәрлек белән шөгыльләнгән.