Шəhри Чаллы

Haier яңа телевизорлар заводы һәм логистика склады төзелешенә 2 млрд сумнан артык инвестицияләр кертә

Татарстан Республикасының Яр Чаллы шәһәрендә smart-телевизорлар һәм әзер продукция склады җитештерү буенча яңа завод төзелеше киләсе елның икенче кварталында тәмамланачак. Проектка инвестицияләрнең гомуми күләме 2,2 млрд сум тәшкил итәчәк.

"Телевизорлар заводы һәм әзер продукция склады безнең Haier индустриаль паркы территориясендә урнашачак. Бу 64 мең кв метр мәйданлы бер бина булачак. Ул беренче этапта завод елына 500 мең телевизор җитештерәчәк. Проектка инвестицияләрнең гомуми күләме 2,2 млрд сум тәшкил итәчәк", – дип аңлатты Haier компаниясенең Россиядәге бизнесны үстерү буенча директоры Людмила Романова.

Аларның үзенчәлеге-smartTV заманча технологик платформасы һәм «рамасыз» дизайн булуы. Киләчәктә, җитештерүне киңәйткәннән соң, егәрлек 2 тапкыр – елына 1 млнга кадәр артачак. Исегезгә төшерәбез, Яр Чаллыда «Мастер» Кама индустриаль паркында Haier телевизорлары җитештерү буенча бер завод урнашкан инде. 2022 елга ике җитештерүнең гомуми күләме елына 1,5 млн данәгә җитәчәк.
Шуны да билгеләп үтәргә кирәк, Чаллыда Haier компаниясенең барлык гамәлдәге һәм төзелә торган предприятиеләре Моношәһәрләрне үстерү фонды инфраструктурасыннан файдаланалар. Haier индустриаль паркында узган елның августыннан кер юу машиналары заводы эшли. Проектка инвестицияләр күләме 2,4 млрд сум тәшкил иткән. Паркка газ белән тәэмин итү челтәрләрен төзүгә Моношәһәрләрне үстерү фонды 218 млн сумнан артык акча бүлеп биргән. «Мастер» Кама индустриаль паркында суыткычлар һәм телевизорлар җитештерү буенча компаниянең тагын ике заводы урнашкан. Соңгысы узган елның җәендә ачылган иде. 2016 елда «Мастер» КИПка юл төзелешенә РФ моношәһәр фонды 574 млн сумга якын акча бүлеп биргән.
Моннан тыш, Haier инвестицион проектын гамәлгә ашыра башлаганнан бирле Яр Чаллыда шәһәр бюджетына 607 млн сумнан артык салым кергән.

 Управление информационной политики и по связям с общественностью.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: