Бу хакта ТР Рәисенең матбугат хезмәте җитәкчесе Лилия Галимова Telegram-каналында хәбәр итте.
Казанда Һиндстанның Генераль консуллыгы эшли башлады.
«Аны ачу тантанасы бүген Мәскәүдә Һиндстанның тышкы эшләр министры катнашында узды. Гитика ханым (генконсул) бүгеннән Казанда үз миссиясен башлый», – дип язды Лилия Галимова.
Россия һәм Һиндстан мөнәсәбәтләре актив рәвештә үсә. Әйтик, бер ай элек Казанда «TIME: Россия-Һиндстан» бизнес- форумы узды, анда Россиянең 35 субъектыннан һәм Һиндстанның 22 административ бүленешеннән 3 500 кеше теркәлгән иде. Экспертлар бәяләвенчә, әлеге чара илләр арасындагы мөнәсәбәтләрне үстерү өчен яңа үсеш ноктасы булачак.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев