Короновируска каршы антитәнчекләр икенче вакцинациядән соң гына формалаша

Яңа коронавирус инфекциясенә антитәнчекләр "Спутник V" вакцинациясенең икенче фазасыннан соң гына эшкәртелә. Бу хакта «Татар-информ» мәгълүмат агентлыгында узган матбугат конференциясендә ТР сәламәтлек саклау министры урынбасары Владимир Жаворонков сөйләде.

"Без сезнең белән вакцинациянең 21 көн буена ике этапта узуын истә тотарга тиеш. Һәм антитәнчекләр бездә икенче этаптан соң барлыкка килә», - диде спикер.

Владимир Жаворонков аңлатканча, беренче фазадан иммунитетны вирустан саклар өчен антитәнчекләр җитәрлек булмый.

"Организм икенче этаптан соң вакцинация нәтиҗәсендә чагыштырмача якланган була", - дип өстәде министр урынбасары.