Күпләрнең яраткан туңдырмасында эчәк таякчыгы табылган

“Роскачество” оешмасы белгечләре «Славица» пломбирында эчәклек таякчыгы (кишечная палочка) тапкан. Аны Новокузнецк каласында тикшерүгә алынган туңдырмада ачыклыйлар, дип хәбәр итә https://chelny-biz.ru сайты.  

Шулай ук экспертлар әлеге тәм-томда май һәм аксымнар күләме дә тиешле стандартлардан кимрәк дигән нәтиҗәгә килгән. Әйтергә кирәк, туңдырманың уңай үзлекләре дә ачыклаган: белгечләр анда бернинди дә антибиотиклар, үсемлек майлары һәм консервантлар булмавын ассызыклаган.