Шəhри Чаллы

Күрмәүчеләр өчен «Ярдәм» фондының тернәкләндерү үзәгендә курслар башланды

Тернәкләнү үтүчеләргә Брайль системасы өйрәтеләчәк

«Ярдәм» милли ислам хәйрия фондының тернәкләндерү үзәгендә күрмәүчеләр һәм начар күрүчеләр өчен тернәкләндерү курслары башланды. 

Бер айлык курсларда белем алырга һәм тернәкләнү өчен Башкортостан һәм Удмуртиядән, Иваново, Амур, Ростов, Оренбург, Самара һәм Курган өлкәләреннән, Пермь краеннан, Татарстан Республикасы шәһәр һәм районнарыннан илледән артык кеше килде, дип хәбәр итә ТР Диния нәзарәте матбугат хезмәте.

Курсларның программасы белем бирү, психологик һәм медицина, юрист ярдәме күрсәтүне, экскурсияләргә алып баруны күз алдында тота.

«Ярдәм» милли ислам хәйрия фондының тернәкләндерү үзәгендә күрмәүчеләр һәм начар күрүчеләр өчен «Йөрәк белән күрәбез һәм ишетәбез» проекты буенча тернәкләндерү курслары Гражданнар җәмгыятен үстерүгә юнәлтелгән Президент грантлары фонды һәм «Ярдәм» милли ислам хәйрия фондының үз чыганаклары хисабына тормышка ашырыла.

Чыганак:Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: