Кулсыз-аяксыз туган Вероника мюзиклга әзерләнә

Чаллыда туып-үскән 26 яшьлек Вероника Лазарева язмыш сынауларын лаеклы рәвештә җиңеп, алга баруын дәвам итә. Кулсыз-аяксыз туган кыз картиналар ясый, синтезаторда уйный, үзе язган җырларны үзе матур итеп башкара да. Көндәлек тормыштагы бар эшләрне мөстәкыйль рәвештә үзе башкара. 

Шушы көннәрдә Вероника Лазареваның мюзиклда катнашуы билгеле булды.

– Мин бу чарада беренче тапкыр катнашам. Тыңлауларны уздым инде. Мюзиклда минем тавышка иҗат ителгән җырларны башкарачакмын. Әлегә мюзиклының кайчан куелачагы билгеле түгел. Бу вакыйганы дулкынланып көтәм, – дип сөйләде ул. 

Вероника Лазарева төрле бәйгеләрдә җиңә, Россия телеканаллары тапшыруларында катнаша, үзе дә хәйрия чаралары оештыра. Ул «Үзеңә ышансаң бәхетле дә буласың, уңышларга да ирешәсең» дигән девиз буенча, күпләргә үрнәк булып яши.

Фото Вероника Лазаревадан алынды