Куркыныч калдыклар өчен өстәмә контейнерлар

Чаллыда куркыныч калдыклар (кулланылган термометрлар, аккумуляторлар, батареялар, энергиясаклаучы лампалар) өчен өстәмә 40 контейнер куелачак. Әлегә аларның урыны конкрет тәгаенләнмәгән. Бүгенге көндә мондый төр калдыкларны шәһәрнең 13 урынында тапшырырга була:14/05 торак йорты янында,65 микрорайонда, ЗЯБ белән ГЭСтагы "Эссен" кибетләре янында, "Мегастрой" гипермаркеты янында," Челныстройремонт" (26, 27, 28, 29, 30, 52, 53, 54 комплекслары подряд оешмаларының контораларында махсус контейнерлар тора),"Электротехниклар" ИК территориясендә (4, 5, 6, 56, 58, 59, 62 һәм 32 комплексларда подряд оешмаларының контораларында махсус контейнерлар тора).