Лилия Хәмитова Ильмира Нәгыймова җырын җырламакчы

«Музыкаль сабантуй» программасында урта һәм яшь буын артистлар чыгыш ясый. Алар үзләренең хит җырларын һәм көндәшләренең җырларын жюри хөкемнә тәкъдим итәләр. 

Узган шимбәдә музыкаль рингка Лилия Хәмитова белән Ильмира Нәгыймова чыкты. Аларның чыгышын Татарстанның халык артисты Зәйнәб Фәрхетдинова җитәкчелегендәге жюри бәяләде. Тулаем алганда тәнкыйтьләмәделәр, киңәшләр генә бирделәр. 

Лилия Хәмитова Ильмира Нәгыймованың «Сары розалар» җырын башкарды. Ильмира аңа бу җырын концертларда башкарырга да рөхсәт итте.
Лилия безгә «Сары розалар» җырын концертларында җырларга җыенуын әйтте. Бу җыр аның башкаруында да тамашачылар күңеленә керер дип ышанасы килә.