М-7 трассасындагы яңа юлларны кем җимергән?

Шәһәр мэры Наил Мәһдиев М-7 федераль трассасындагы әйләнгеч (объездной) юлны төзекләндергәндә, зур йөк машиналары ваткан юлларны ремонтлау мәсьәләсенә тукталды. Ул башкарма комитет җитәкчесенә бу урыннарны төзәтү өчен ТР Транспорт министрлыгына мөрәҗәгать итәргә кушты.

– Чаллы, Түбән Кама арасындагы урау юлны ясаганда инерт материаллар ташучы йөк машиналары кыска вакыт эчендә юлны бозганнар. Без федераль юллар төзүгә каршы түгел, сүз дә юк, шәп юл төзелә. Алгоритм билгеле, югарыдагы җитәкчеләргә катгый рәвештә мөрәҗәгать итәргә кирәк, –  диде мэр.