Медицина иминияте полисын электрон вариантта ясатып була

Мәҗбүри медицина иминияте полисын хәзер үзең белән йөртергә кирәк түгел. Аны ТР Дәүләт хезмәтләре порталында электрон вариантта ясатып була. Шифаханәгә барганда телефоннан күрсәтүең дә җитәчәк. Уңайлы. Табибларга Интернет аша язылганда һәм шифаханәгә беркетелгәндә полис мәгълүматы шәхси кабинетта автомат рәвештә чыгачак. 

Әгәр дә Дәүләт хезмәтләре порталына полис номеры моңарчы кертелгән булса, документ электрон вариантка автомат рәвештә күчәчәк. Полис булмаган очракта, аны ясату өчен гариза калдырырга кирәк. Аны бер эш көне эчендә әзерлиләр. Полисны рәсмиләштерү өчен туу турындагы таныклык кирәк булачак.