Шəhри Чаллы
  • Рус Тат
  • Мәктәп сайлаулары оешкан төстә үтте

    14 сентябрьдә республикада Татарстан Югары Советына сайлаулар белән бергә, шәһәребезнең барлык гомуми белем бирү мәктәпләрендә укучыларның мәктәп советларына спикерлар сайладылар. Мәктәпләрдә сайлау участокларының эше иртәнге 8дә башланып китте. Сайлауларда 5-11нче сыйныф укучылары катнашырга хокуклы иде. Сәгать 11гә инде яшерен сайлау юлы белән 29 мең укучы тавыш бирде. Бу - барлык...

    14 сентябрьдә республикада Татарстан Югары Советына сайлаулар белән бергә, шәһәребезнең барлык гомуми белем бирү мәктәпләрендә укучыларның мәктәп советларына спикерлар сайладылар.

    Мәктәпләрдә сайлау участокларының эше иртәнге 8дә башланып китте. Сайлауларда 5-11нче сыйныф укучылары катнашырга хокуклы иде. Сәгать 11гә инде яшерен сайлау юлы белән 29 мең укучы тавыш бирде. Бу - барлык укучыларның 63%ы. Иң актив сайлаучылар - Гали Акыш исемендәге 84нче лицей-интернат укучылары. Монда сәгать 11гә сайлаучыларның 97%ы тавыш биреп өлгергән иде. 44нче мәктәптә укучыларның - 91%ы, 51нче мәктәптә 86%ы сайлады. Укучыларның сайлаучы буларак активлыгына, бәлки, иң актив сыйныф, иң актив мәктәп булу теләге дә тәэсир иткәндер. Чөнки андыйларга бүләкләр вәгъдә ителде.

    Сайлаулар көндезге 12гә кадәр барып, 12 сәгать 5 минутта тавышларны санау башланды.

    Укучыларның мәктәп советына спикерлар сайлауда барлыгы 42 мең 274 укучы катнашты.

    Бу - барлык сайлаучыларның 94,5%ы. Активлыкта 84нче лицей-интернат укучыларына тиңнәр булмады. Сайлауларда алар 100% катнаштылар. 36нчы (98,8%), 57нче (98,6%) гимназияләрдә, 28нче мәктәптә дә (98,5%) сайлаучыларның активлыгы югары булды. "Чаллы укучылары сайлауларда ата-аналарына караганда активрак булдылар", - дип искәртте шәһәр башкарма комитеты җитәкчесе урынбасары Рамил Хәлимов сайлауларга нәтиҗә ясап.

    16 сентябрьдә шәһәр хакиме Васил Шәйхразиев яңа сайланган спикерларга һәм укучыларның шәһәр советы депутатларына таныклыклар тапшырды.

    Нравится
    Поделиться:
    Реклама
    Комментарии (0)
    Осталось символов: