Наил Мәһдиев Чаллы чыгарылыш укучыларын котлады

Узган ел әлеге мәктәп КФУ филиалы белән үзара хезмәттәшлек турында килешү төзегән иде. Бу проект үсешенә Haier компаниясе зур өлеш кертә. Наил Мәһдиев моны: “Әлеге проект башка предприятиеләргә дә үрнәк”, - дип бәяләде.
“Университет сыйныфы”нда Чаллыда җитештерелә торган суыткычта кулланыла торган җайланмалар бар.
40нчы мәктәп 2020/2021 уку елындагы һөнәр олимпиадалары нәтиҗәләре буенча яхшы нәтиҗәләргә иреште. Мәгариф учреждениеләре арасында Worldskills ярышларында өченче урын яулады. Биредә укучылар бердәм дәүләт имтиханнарын да яхшы тапшырган. Математиканы уртача - 75, рус телен уртача 79 баллга биргән. Сыйныфта ике фәнне 90 баллга тапшыручылар да бар. “Без укучыларыгызның нәтиҗәләре өчен шатланабыз. Бу - укытучылар, ата-аналар һәм балаларның уртак хезмәт нәтиҗәсе. Егетләр-кызлар үз алдыгызга максатлар куегыз һәм шуңа омтылыгыз!” – диде мэр аларга фатиха биреп.
Наил Гамбарович мәктәп директоры белән бергә чыгарылыш сыйныф укчыларына аттестатлар тапшырды. Бер укучы мәктәпне “5”ле билгеләренә генә тәмамлап, медальгә лаек булды.