Пенсиягә вакытыннан алда чыгуны рөхсәт итәргә мөмкиннәр. Кемнәргә?

Россиядә мәктәп һәм балалар бакчалары директорларына, аларның урынбасарларына, шулай ук гомуми белем бирү учреждениеләрендә эшләүче социаль педагогларга вакытыннан алда пенсиягә чыгу рөхсәт ителергә мөмкин, дип хәбәр итә http://shahrikazan.ru. Тиешле мөрәҗәгать Россия Дәүләт Думасы депутатлары тарафыннан федераль хөкүмәткә җибәрелгән. Идеянең инициаторлары белдергәнчә, хәзер вакытыннан алда пенсиягә чыгу хокукына махсуслаштырылган учреждениеләрдә: балалар йортларында һәм үсештә тайпылышлар булган балалар белән эшләүче мәгариф структураларында хезмәт итүче социаль педагоглар гына ия, әмма гадәти педагогларның бу хокукы булмау гаделсез, дигән фикердә алар.

фото: st-vedomosti.ru

Тагы да кызыклырак яңалыклар - "Шәһри Чаллы" газетасының Телеграмм каналында