Питрәчтә 8 яшьлек малайга аучы коралыннан атканнар

Питрәч районы мәктәбендә чак кына фаҗига булмады. 2нче сыйныф укучысын ертылган ирен белән хастаханәгә озаттылар. Тагын бер баланың  колагы зыян күрде - ишетмәс булды. Сәбәбе – аучыга сигнал бирә торган җайланмада. Аны мәктәпкә малайларның берсе мактанырга алып килә. Әмма әлеге җайланма кинәт атып җибәрә. 

Хәзерге вакытта тикшерү бара. “Аңлы рәвештә сәламәтлеккә зыян салу” маддәсе буенча җинаять эше кузгатылды.