Полициягә уйнап шалтыратучы ир-атка нинди җәза?

Хокук сакчыларына шалтыратып ялган хәбәр җиткергәне өчен Чаллыда яшәүче ир-ат суд бусагасын атларга мәҗбүр булды. Аңа анда җәза төрен билгеләделәр. 

Вакыйга 5 октябрьдә була. Ибниев Н.А. полициягә шалтыратып, “Ивушка” бакчасында раковина астына шартлаткыч матдә сибелүе турында хәбәр итә. Янәсе моны күрше оныгы эшли. Урынга кыска вакыт эчендә хокук сакчылары килеп җитә. Бернәрсә дә тапмыйлар. Шунда гына исерек Ибниевның алдашып шалтыратканлыгы ачыклана. Ул, күңелсез булып китте һәм шул рәвешле шаяртмакчы булдым, дип үзе үк сөйләп бирә. 

“Шаян” ир-атка 1 мең сумлык штраф салынды.