Россия халкын кушымталарда була ала торган яңа вируслар турында кисәттеләр

Эчке эшләр министрлыгы зарарлы код куркыныч булып күренми торган программаларда яшерелгән булырга мөмкин, дип кисәтте. Бу хакта мәгълүмати-коммуникацион технологияләрне хокукка каршы куллануга каршы көрәшне оештыру идарәсенә сылтама белән ТАСС хәбәр итте, дип яза «Татар-информ».
«Тикшеренүчеләр 25 миллион Android-җайланма хуҗасын реклама графигын җыю өчен зарарлы сайтларга керергә мәҗбүр иткән масштаблы схеманы ачыклаган. Гадәттә зарарлы код бер дә куркыныч булып тоелмаган кушымталарда яшерелгән була. Бу – фонарьлар, җайланманың хәтерен чистарту программалары, электрон китаплар уку кушымталар, фитнес-сервислар яки гади уеннар», – диләр белгечләр. 
Шул рәвешле аферистлар җайланмаларны яшерен элементларга басып зарарлы битләргә керергә мәҗбүр иткән, ә мошенниклар үзләре рекламаны караучылар саны өчен акча алган.
Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).