Шагыйрә Лилия Тимергалиева хастаханәгә эләккән

Инвалид арбасында хәрәкәтләнүче шагыйрә, популяр җырлар авторы Лилия Тимергалиева соңгы вакытларда мәдәни чараларда, социаль челтәрләрдә күренми башлады. 

Баксаң хастаханәгә эләккән икән. Бу хакта ул үзе хәбәр итте. 

– Яз килде, тирә-якта матурлык дип язасы килә. Әмма... Өч атна элек мин планлаштырылмаган «больничный»га киттем. Сул кулым сынды, тагын бик күп җәрәхәтләр алдым. Яз һәм көз – миңа һәрвакыт сынау һәм көтелмәгән хәлләр чоры. Бозлы баскычтан таеп китеп, лифт янында гына аңыма килдем. Хәзер хастаханәдә. Димәк, минем миссиям әле үтәлмәгән, миңа чираттагы мөмкинлек бирелде, – дип хәбәр итте ул.