Чаллы кызы Азалия Яфясова дәрәҗәле бәйгедә җиңү яулады

Казанда «Созвездие-Йолдызлык» XXIV еллык ачык республика телевизион яшьләр эстрада сәнгате фестиваленең гала-концерты узды.

Чара традицион рәвештә Казанда, «Пирамида» мәдәни-күңел ачу комплексында оештырылды. Анда ТР Рәисе Рөстәм Миңнеханов та катнашты. Әлеге мәртәбәле бәйгедән яшь шәһәрдәшебез Азалия Яфясова да җиңү белән кайтты. 

«Мин «Вокал-соло» номинациясендә чыгыш ясадым. Татарча милли костюмда идем, «Гөлҗамал» җырын башкардым. Тырышлыкларым юкка китмәде, «Пирамида» сәхнәсеннән тәбрикләделәр үземне. Әлбәттә, бик сөендем», – дип сөйләде безгә күзләре начар күргән Азалия. 

Сүз уңаеннан, «Созвездие – Йолдызлык» фестивале ТР Рәисе Рөстәм Миңнеханов ярдәме белән 2001 елдан бирле үткәрелә. Максаты – талантлы балаларны һәм яшьләрнең иҗади яктан үсүенә ярдәм итү,че заманча эстрада сәнгате өлкәсендә республика масштабындагы фестиваль хәрәкәте булып тора. Фестиваль үткәрелә һәм Татарстан Республикасының барлык районнарын һәм шәһәрләрен колачлый.