Шәһәр бюджетыннан 100 мең сум бүленеп бирелә.

Чаллыга хастаханәләренә эшләргә килгән табибларга шәһәр бюджетыннан акча бүленеп биреләчәк. Моннан тыш, алар Татарстан президенты грантын алганнар иде.
4 ел эчендә безнең шәһәргә башка регионнардан 140 табиб эшкә килә. Алар барысы да Татарстан президентыннан 500 сум күләмендә грантына лаек булганнар. Ләкин Чаллы барыбер табибларга кытлык кичерә, шуңа күрә, әлеге грантка тагын 100 мең сум күләмендә акча өстәләчәк. Ул акча шәһәр бюджетыннан алыначак. Әлеге мәгълүмәтне шәһәр советы утырышында хаким Наил Мәһдиев әйтте. Кызганыч, күп кенә табиблар социаль ипотекага фатир алу чиратын да көтмичә китә икән.