Синоптиклар тагын буран турында сөйли

Татарстанда тагын һава торышы бозыла. 29-30 январьда урыны белән күпләп кар явачак, көчле җил көтелә, ди гидрометеорология үзәге. Җил секундына 16 метр тизлектә исәчәк. 

МЧС хезмәте зур юлларга чыкмаска киңәш итә. Юлларда бозлавык барлыкка киләчәк, юл һәлакәтләре булуы ихтимал, ди алар. Шулай ук йорт яннарыннан да сак йөрергә  сорала. Түбәләрдән каткан кар кисәкләре төшәргә мөмкин.