2021 елда шәһәрдә 322,6 мең квадрат метр торак төзелде. Аның 230,1 мең квадрат метры коммерцияле торак булса, 45,7 мең квадрат метры – «Социаль ипотека» программасы буенча. 46,8 мең квадрат метр мәйданда шәхси торак төзелде.
Былтыр 34 йорт файдалануга тапшырылды. «Социаль ипотека» буенча төзелгән 63/20, 63/21 йортлары 823 гаиләгә торак шартларын яхшыртырга ярдәм итте. Бүген әлеге программа буенча тагын 954 гаилә фатирга чират тора.
Якын арада «Социаль ипотека» шартларында 216 фатирлы 63/16 торак объекты файдалануга тапшыру күздә тотыла. Моннан тыш 63/02, 63/03, 63/04 и 63/14 йортларында 680 гаилә яңа фатир алачак.
2022нче елда барлыгы 330 мең квадрат метр торак төзү планлаштырыла.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев