Студентлар геройлар белән очраштылар

9 декабрь Россиядә Ватан геройлары көне. Шул уңайдан Чаллы дәүләт педагогия университетында студентлар  чын геройлар – махсус хәрби операциядә катнашкан егетләр белән  очраштылар. 

Отставкадагы командир Тимур Нусратов белән рядовой снайпер-разведчик Владимир Тихомиров үзләре  турында сөйләделәр.
Тимур Нусратов Чаллыда туып-үскән егет. Күзе начар күрсә дә ул армиядә булган, Кырымда ополчениедә катнашкан, аннары махсус хәрби операция зонасына җибәрелгән. Авдеевка янындагы бәрелешләрдә авыр яраланган һәм запаска җибәрелгән.

 Владимир Тихомиров  исә Угледар янындагы бәрелешләрдә катнашып, яраланган һәм шәһәребезгә кайткан.
Сәламәтлекләренә бәйле сәбәпле хәрби хезмәтне тәмамласалар да, егетләр күңелләре белән махсус хәрби операция зонасында. Тимур күптән түгел махсус хәрби операция зонасындагы егетләргә  гуманитар йөк илтеп кайткан. Егетләр икесе дә волонтерлар.