Су кызлары матур түгел, ди...

Су кызлары (русалки) турында төрле риваятьләр бар һәм аларның кыяфәте хакында да билгеле бер караш тупланган. Гадәттә аларны балык сыман койрыклы бик чибәр кызлар итеп күрсәтәләр. Ләкин рәссам Яна Хейдерсдорф моның белән килешми. Ул бу фантастик затларның ямьсез, хәтта куркыныч булуына тамчы да шикләнми.

Ике ел элек Яна үзенә максат куйган: атна саен бер су кызын төшерергә һәм алар йөзгә җиткәч, китап бастырырга. Башта ул каләм белән генә төшерсә, хәзер акварель дә куша башлаган. Теләүчеләр китап чыкканны көтеп тормаска да мөмкин, чөнки рәссам һәр иҗат җимешен интернетка куя бара.