Тагын бер завод

Чаллыда кәшәкә ясау буенча Россиядә беренче завод ачыла. "ЗаряД" ны тантаналы төстә эшләтеп җибәрү көнендә шәһәребезгә күренекле хоккей йолдызлары килер дип көтелә. 18 августта бизнес хуҗасы өч тапкыр дөнья чемпионы, дүрт тапкыр Гагарин Кубогы иясе, Олимпия уеннары призеры Данис Зариповтан тыш, ике тапкыр дөнья чемпионнары Сергей Мозякин белән Евгений Медведев та җыена. Чаллыдагы яңа заводта елына 40-50 мең кәшәкә ясарга планлаштырыла. Предприятиедә тест режимында 60 кеше эшли инде.