Бер балага 24 604,30 сум акча бирәләр

2024 елда Татарстанда уллыкка бала алган 73 гаиләгә барлыгы 3,4 млн сумнан артык акча түләнгән. 

Әлеге бер тапкыр бирелә торган ярдәмгә уллыка бала алган гаилә, опекуннар, попечительләр хокуклы. Алар Россия гражданнары булырга һәм Россиядә  даими яшәргә тиеш.  Татарстанда бер балага 24 604,30 сум акча бирелә. 

Физик мөмкинлекләре чикле, 7 яшьтән зур яки бертуган балаларны гаиләгә алучыларга пособие күләме 187 996,90 сум (бер балага) тәшкил итә.

Гаризаларны Социаль фондка дәүләт хезмәтләре порталы яисә почта аша җибәрергә мөмкин. Пососбие түләү турында карар 5 эш көнендә кабул ителергә тиеш.