"Татфондбанк"ның физик затларга барып җитмәгән түләүләре ияләренә кайтарылачак

Мораторий кертелгәнче физик затлар тарафыннан салынган түләүләр баланста теркәлгән һәм иминият акчасын кайтару программасы кысаларында кире кайтарылачак, дип хәбәр итә Керемнәрне иминиятләштерү агентлыгы.

Кертемчеләргә юлланган хатта язылганча, "Кулланучылар хокукын яклау турында"гы канун нигезендә, банк кассасына кертелгән яки түләүче хисабыннан алынган түләүләр башкарылган операция дип санала. Искәртеп үтәбез, мораторий 2016 елның 15 декабрендә кертелде.

Юридик затларга һәм шәхси эшмәкәрләргә үз акчаларын "Татфондбанк"ка башкарылган операция турында тиешле документларны тәкъдим итеп алып була.