Телефоны аркасында авариягә эләгеп үлгән - ФОТОЛАР

Узган кичтә Чаллыда кеше үлеме белән бәйле юл-транспорт һәлакәте теркәлә. Фаҗига 21:55 минутта Моторная урамында килеп чыга. Биредә 44 яшьлек машина йөртүче юл боҗрасы аша үткәндә бордюрга килеп бәрелә. Нәтиҗәдә, транспорт чарасы әйләнеп каплана, йөртүче исә автомобиленең тәрәзәсе аша чыгып оча. 
ЮХИДИ инспекторлары фаразлавынча ир-ат куркынычсызлык каешын эләктермәгән һәм игътибарын телефонына юнәлткән булырга мөмкин. Авариянең төгәл сәбәпләрен тикшерү ачыклаячак.