Тиздән театрда яңа премьера

Фәтхи Бурнаш әсәрен театрның сәнгать җитәкчесе Олег Кинҗәгулов сәхнәләштерә. Хәйретдин ролен Руслан Әюпов, Сәрбиҗамал ролен Гөлинә Минhаҗева башкара. 
Уен-көлкегә, яшьләрнең шаянлыгына корылган музыкаль комедия төрле буын тамашачысына  бердәй якын. Сәрбиҗамал белән Хәйретдиннең саф, самими сөюен үзәккә алган тамаша тапкыр сүзләргә, канатлы гыйбарәләргә бик бай. Спектакль лирик җырлар, уен такмаклары белән бизәлеп, беренче бөтендөнья сугышы чорында да яшьлек рухының көче һәм мәхәббәт турында сөйли.