Тукай районы башлыгы пенсиягә китә

Тукай районы башлыгы Васил Хаҗиев үз вазыйфасыннан китә. Күптән инде аның китүе хакында сүзләр йөрде. 8 декабрь җомга көнне муниципаль район депутатлары чираттан тыш утырышка җыелып Васил Хаҗиевның вакәләтләрен вакытыннан алда туктату мәсьәләсен караячаклар. Рәсми булмаган чыганаклардан күренгәнчә Тукай районы муниципаль районы башлыгы итеп хәзерге Актаныш районы җитәкчесе Фаил Камаев килә, дигән хәбәр бар. Ә Актанышка Энгель Фаттахов башлык булып кайта, бу турыда инде республика рәсми чыганаклары язып чыкты..