Укол өчен уенчык?!

Чаллыда балаларга укол ясаткан өчен уенчык бүләк итә башлаганнар. "Коробка храбрости" проектының башлап җибәрүчеләре "Планета добра" яшьләр оешмасы һәм "Клуб добряков"хәйрия фонды. Әлеге проект Россиянең 30 шәһәрендә уңышлы гына эшләп килә. Хәзер аңа Казан, Алабуга, Чаллыда старт бирелде.
Безнең шәһәрдә беренче тартма Кама медицина балалар үзәгенә куелган. Әлеге матур тартма эчендә сабыйлар өчен төрле уенчыклар салынган. Һәрбер анализ тапшырган,кан биргән бала үзенә ошаган уенчыкны сайлап ала ала.
Билгеле тартманы көн саен тулыландырып торырга кирәк. Шуңа күрә, һәрбер мөмкинлеге булган кеше, әлеге проектка үз өлешен кертә ала.