Ульяновск өлкәсеннән килүче егетне Чаллыга кертмәделәр

Сәбәбе наркотик белән бәйле. "Тула-1" постында торучы инспекторлар "Опель" машинасын туктата. Руль артында утыручы 26 яшьлек егет үзен шикле тота. Инспекторлар автомобильне тикшерергә була һәм арткы як утыргычтан капчык табалар. Аның эчендә кызыл изолентага уралган 4 төргәк була. Тикшерү барышында наркотик матдә булуы ачыклана. 

Хәзер ир-атка карата җинаять эше кузгатырга уйлыйлар.