Машина йөртүчеләр яңа елдан автомобиль аптечкасын үзләре комплектлаштырачак
1 гыйнвардан машина йөртүчеләр әзер автомобиль аптечкаларын сатып алырга бурычлы булмаячак, ә үзләре аларны комплектлый алачак, дип хәбәр итте Россия Сәламәтлек саклау министрлыгы матбугат хезмәте.
Элегрәк Сәламәтлек саклау министрлыгы автомобиль аптечкасын комплектацияләү таләпләрен раслаган иде: анда битлекләр, перчаткалар, бинтлар, жгут, лейкопластырь, стериль салфеткалар, кайчы һәм беренче ярдәм күрсәтү инструкциясе булырга тиеш.
«2021 елның 1 гыйнварыннан машина йөртүчеләр әзер автомобиль аптечкаларын сатып алырга тиеш булмаячак, ә аларны Россия Сәламәтлек саклау министрлыгы боерыгында китерелгән 1080н номерлы исемлек нигезендә үзләре туплый алачак», — диелә хәбәрдә.
Шул ук вакытта 1 гыйнварга кадәр җитештерелгән һәм комплектланган аптечкалар сатыла һәм файдаланыла алачак, әмма 2024 елның 31 декабренә кадәр генә, дип ачыклык керттеләр матбугат хезмәтендә.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев