Яңа комплекс төзелә

Чаллының иң эре компанияләреннән саналган "Камгэсэнергострой" ААҖ Мәләкәс аръягы микрорайонында яңа комплексны үзләштерергә кереште. Биредә тәүге йортны (22/02) төзүчеләр киләсе елның җәендә файдалануга тапшырырга ниятли.

Компаниянең генераль директор урынбасары Сергей Ямашев ачыклык керткәнчә, әлеге территориядә 150 мең кв. метр коммерция торагы төзү күздә тотыла. Беренче этапта гомуми мәйданы 40 меңгә якын кв. метр тәшкил иткән 10 катлы сигез йорт төзеләчәк. Хәзерге вакытта беренче йортны торгызалар, икенчесенең дә (22/03) нигез чокыры казылган.