Яр Чаллы мәктәпләрендә күп балалы гаиләләрдәге балаларны бушлай ашатачаклар

Быел мәктәпләрдә өч һәм аннан да күбрәк балалы гаиләләр түләүсез туклану белән тәэмин ителәчәк. Чаллыда бу 5,5 мең укучыга кагылачак.
Ике тапкыр кайнар ризык инвалид балаларга бирелә, ә бу 500 укучыга якын.
«Өч ел элек биш һәм аннан да күбрәк балалы гаиләләрне генә бушлай ашаттылар, узган елда - дүрт һәм аннан да күбрәк, ә быел өч һәм аннан да күбрәк булачак», - диде шәһәр мэры Наил Мәһдиев август педагогия конференциясенең пленар утырышында.
Исегезгә төшерәбез, башлангыч сыйныф укучылары шулай ук бушлай туклану белән тәэмин ителәчәк.