Шәһри Чаллы

Яр Чаллы шәһәре

18+
2024 - Гаилә елы
Яңалыклар тасмасы

Яр Чаллы-Сарман автомобиль юлы участогын реконструкцияләү төгәлләнде

Татарстанның Тукай муниципаль районында «Имин сыйфатлы юллар» илкүләм проекты буенча Яр Чаллы - Сарман юлының 3,7 км озынлыктагы участогын реконструкцияләү төгәлләнде.

Реконструкция барышында Яр Чаллы - Сарман төбәк автомобиль юлы 4 техник категориядән 2гә күчерелде, нәтиҗәдә, юл 7 метрдан 9 метрга кадәр киңәйде.
42285 кв. м артык мәйданда вак таш-мастик асфальтобетоннан югары катлам җәелгән, һәр яктан 2,25 м юл кырыйлары ныгытылган. Эшчеләр 5 суүткәргеч торба төзегәннәр, 1638 метр тимер барьер киртәсе, 84 сигнал баганасы һәм 84 юл билгесе урнаштырганнар. Шулай ук 4 тукталыш павильоны җиһазландырылды – Теләнче-Тамак һәм Таулык торак пунктлары янында 2шәр павильон.
Әлеге юл республиканың Тукай һәм Сарман районнарын тоташтыра. Аның буенча автобус һәм мәктәп маршрутлары уза. 
Эшләрнең генераль подрядчысы – «Татавтодор» АҖ, проектлаучысы - «Спецдорпроект» ҖЧҖ.
Илкүләм проектлар Россиядә 2019 ел башыннан РФ Президенты Владимир Путинның «май» указы нигезендә гамәлгә ашырыла.

http://nabchelny.ru/ Фото: pobeda26.ru

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: юл ремонт

2
X