Зөлфәтнең автобусын алып киткәннәр

Тиешсез урында калдырсаң, машиналарны гына түгел, автобусларны да (!) эвакуатор алып китә икән. Менә Зөлфәт Зиннуровның автобусын шулай «әрәм иткәннәр». «Үзәктә калдырган идем. Курыкмаган - күтәргән!» - дип уфтанган ул. Эвакуатор «хезмәте» шансон башкаручыга 2067 сумга төшкән. Тычканга үлем - мәчегә көлке дигәндәй, бер ханым Зөлфәтне тынычландырырга ашыккан. «Аның каравы, курткаң яңа бугай. Килешә. Бик матур!» - дип язган ул. Тик анысы да артистның күңелен күтәрердәй сүз әйтмәгән шул. «Әйе, өр-яңа. Өченче елын гына киям әле», - дип җавап биргән Зиннуров.