Айгөл Бариева мәрхүм иренә багышлап җыр яздырган - видео

Татарстанның атказанган артисты Айгөл Бариеваның иренә багышлап концерт куячагы хакында хәбәр иткән идек инде. “Рәхмәт, тормышымда булган өчен...” дип исемләнгән кичә Линарның туган көнендә – 14 декабрьдә булачак. Бу кичне җырчы тормыш иптәшенә махсус багышлап язган җырын да башкарачак. Ул инде аны социаль челтәрдәге шәхси битенә дә урнаштырган. Аның өзеген сезнең игътибарга да тәкъдим итәбез.

“Озак уйладым... Яшермим... Ләкин мин моны эшләргә тиеш дип карар кылдым. Аллаһка тапшырып. Нәкъ менә аның туган көнендә. Бу кичәдә барыгызны да көтеп калабыз. Яныбызда булганнарга һәм безнең арабыздан киткәннәргә рәхмәтле булып очрашырга язсын, дусларым”, - ди Айгөл Бариева.

Видео Айгөл Бариеваның аккаунтыннан алынды

Тагы да кызыклырак яңалыклар - "Шәһри Чаллы" газетасының Телеграмм каналында