Рифат Зарипов концертына яраланган хәрби килгән

Татарстанның атказанган артисты Рифат Зарипов Россиянең татарлар яшәгән төбәкләрендә концертлар куеп йөри.

Оренбургта узган концертына кадерле кунак – махсус операциядән яраланып кайткан дусты Фикрәт килгән. Рифат аны: «Оренбург егете, якташым, Салават абый Фәтхетдинов төркемендә бергә эшләгән идек», – дип таныштыра. Халык батыр егетне аягүрә басып алкышлый. 

«Бик зур рәхмәт барыгызга да! Утырыгыз инде, – ди ул тыйнак кына. – Хөрмәтле тамашачылар, бу чәчәксез менде дип уйламагыз инде. Рифатның «Тип, йөрәгем» дигән җырының авторы мин идем. Әле һаман акчасын түләгәне юк. Шуңа күрә мин концертларга чәчәксез киләм, брат», – дип көлдерә ул залны.

Фото социаль челтәрдән