Чаллыда ярминкәләр 8 майга кадәр дәвам итә

Чаллы шәһәрендә авыл хуҗалыгы продукциясен тәкъдим итүче ярминкәләр дәвам итәчәк. Алар шимбә, 18, 25 апрельдә һәм бәйрәм алдыннан өстәмә 30 апрель, пәнҗешәмбе һәм 8 май, җомга көннәрендә уздырыла. Гадәттәгечә, Сарман трактында Тукай районының көзге, яңа ел алды ярминкәләрендә катнашкан агрофирмалары, крестьян-фермер, шәхси хуҗалык тотучылары һәм авыл хуҗалыгы продукциясе белән сәүдә итүчеләр ит, сөт, кош ите, казылык, бәрәңге, яшелчәләр һәм башка төр ризыклар белән сату итәчәк. Тукай районының авыл хуҗалыгы идарәсе башлыгының урынбасары Габделхәй Вәлиев хәбәр итүенчә, продукциянең кайбер төрләре базарныкына караганда 20-40%ка очсызрак бәядән булачак.

"Якты юл"