Бөгелмәдә дини лагерь яз көне дә эшли

Язгы каникул вакытында Бөгелмә районының үзәк мәчетендә мөселман балалары өчен дини лагерь ачылган. "Сәлам" дип исемләнгән язгы лагерьга 40лап бала җыелган.

Бөгелмәдә дини лагерь оештыру күркәм традициягә әйләнеп бара. Язгы каникулда шунда җыелучы балаларны ислам нигезләренә төшендерәчәкләр, Коръән укырга өйрәтәчәкләр. Шулай ук программага әхлак һәм тәрбия темасына кызыклы лекцияләр дә кертелгән.

Оештыручылар балалар өчен мәдәни-күңел ачу чаралары, кызыклы шәхесләр белән очрашулар да әзерләгән.

intertat.ru