Шəhри Чаллы

КАМАЗ хезмәткәрләре эшсез тормый

"КАМАЗ" акционерлык җәмгыяте хезмәткәрләрен җәмәгать эшләре белән тәэмин итү өчен федераль бюджеттан акча килә башлый.

Компаниянең көндәшлеккә сәләтен арттыруга юнәлдерелгән эшләрдә 16,5 меңгә якын кеше катнашыр дип көтелә. Алар бүлекчәдә эшләүчеләр саныннан чыгып билгеләнгән квота буенча эшкә алына.

Татарстан Республикасы хөкүмәте карары нигезендә, вакытлыча эшкә, беренче чиратта, КАМАЗда эшләүче инвалидлар, беренче кварталда республикада расланган минималь бюджеттан ким хезмәт хакы алучылар (ирләр өчен - 14371,1, ә хатын-кызлар өчен 14418,5 сум) кабул ителә. Балигъ булмаган балалар тәрбияләүчеләргә, ялгыз ата-аналарга, инвалид бала тәрбияләүчеләргә, күп балалы аналарга, икесе дә автогигантта эшләүче гаиләләргә өстенлек бирелә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: