Шəhри Чаллы

Президент беренче балага айлык түләүләр турындагы канунны имзалады

РФ Президенты Владимир Путин беренче бала туган очракта алык түләүләр кертелү турындагы канунга кул куйды. "Балалары булган гаиләләргә айлык түләүләр турындагы" Федераль канун хокукый мәгълүмат рәсми интернет-порталында бастырылган.

Документ тексты буенча, беренче бала туу (уллыкка-кызлыкка алу) белән бәйле түләүләр алуга һәм икенче бала туу (уллыкка-кызлыкка алу) белән бәйле айлык түләүләр алу хокукына безнең ил территориясендә даими яшәүче Россия гражданнары ия. Канун гамәлгә 2018 елның 1 гыйнварыннан керәчәк. Федераль бюджетта аны тормышка ашыруга 21 млрд сум каралган, 2019 елда - 55 млрд сумнан артык, ә 2020 елда - 68 млрд сум. Пособия билгеләү өчен социаль яклау органнарына мөрәҗәгатьитәргә яки күпфункцияле үзәктә гариза язарга кирәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: